ਸਾਹਨੇਵਾਲ, 31 ਮਈ (ਹਨੀ ਚਾਠਲੀ)-ਸਿਵਲ ਸਰਜਨ ਲੁਧਿਆਣਾ ਡਾ.ਰਮਨਦੀਪ ਕੌਰ ਦੀਆਂ ਹਦਾਇਤਾਂ ਅਨੁਸਾਰ ਅਤੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਰਮੇਸ਼ ਕੁਮਾਰ ਦੀ ਅਗਵਾਈ 'ਚ ਸੀ. ਐੱਚ. ਸੀ. ਸਾਹਨੇਵਾਲ ਵਿਖੇ ਵਿਸ਼ਵ ਤੰਬਾਕੂ ਰਹਿਤ ਦਿਵਸ ਮਨਾਇਆ ਗਿਆ | ਇਸ ਸਮੇਂ ਡਾ.ਗੁਰਦੀਪ ਸਿੰਘ ਅਤੇ ਬੀ. ਈ. ਈ. ਜਸਵੀਰ ਸਿੰਘ ਖੰਨਾ ਨੇ ਦੱਸਿਆ ਕਿ ਵਿਸ਼ਵ ਤੰਬਾਕੂ ਰਹਿਤ ਦਿਵਸ 31 ਮਈ ਨੰੂ ਹਰ ਸਾਲ ਪੂਰੇ ਸੰਸਾਰ ਦੇ ਵਿੱਚ ਮਨਾਇਆ ਜਾਂਦਾ ਹੈ | ਇਸ ਸਮੇਂ ਡਾ. ਨਮਿਤਾ ਸਿੰਘ ਨੇ ਕਿਹਾ ਕਿ ਤੰਬਾਕੂ ਦੇ ਸੇਵਨ ਕਰਨ ਨਾਲ ਖ਼ੁਰਾਕ ਨਲੀ, ਫੇਫੜਿਆਂ, ਪੇਟ ਆਦਿ ਦੇ ਕੈਂਸਰ ਦਾ ਖ਼ਤਰਾ ਬਣਿਆ ਰਹਿੰਦਾ ਹੈ | ਇਸ ਮੌਕੇ ਡਾ. ਨਮਿਤਾ ਸਿੰਘ, ਡਾ. ਹਰਜੋਤ ਕੌਰ, ਡਾ. ਅੰਕੁਸ਼ ਬਾਂਸਲ, ਡਾ. ਸਤਵਿੰਦਰ ਬੱਸੀ, ਡਾ. ਬਨੀਤਾ ਬਤਰਾ, ਡਾਕਟਰ ਰੀਨਾ ਗੁਪਤਾ, ਫਾਰਮੇਸੀ ਅਫ਼ਸਰ ਪ੍ਰਦੀਪ ਕੁਮਾਰ, ਨਰਸਿੰਗ ਸਿਸਟਰ ਏਕਤਾ ਸੂਦ, ਆਰਤੀ ਸ਼ਰਮਾ, ਗੁਰਮੁਖ ਸਿੰਘ, ਸ਼ੈਮਰੂਨ, ਨਰਿੰਦਰ ਸਿੰਘ, ਨਰਸਿੰਗ ਕਾਲਜ ਸ਼੍ਰੀ ਗੁਰੂ ਤੇਗ ਬਹਾਦਰ ਦੇ ਵਿਦਿਆਰਥੀ ਅਤੇ ਅਧਿਆਪਕ ਹਾਜ਼ਰ ਸਨ |
