ਲੰਬੀ, 23 ਨਵੰਬਰ (ਮੇਵਾ ਸਿੰਘ)-ਪੀ.ਐਮ. ਸ੍ਰੀ ਸਰਕਾਰੀ ਹਾਈ ਸਕੂਲ ਤਰਮਾਲਾ ਦੇ ਵਿਦਿਆਰਥੀ ਸਕੁੂਲ ਦੇ ਹੈੱਡਮਾਸਟਰ ਅਮਨਦੀਪ ਸਿੰਘ ਦੀ ਅਗਵਾਈ ਤੇ ਸੁਨੀਲ ਕੁਮਾਰ ਦੀ ਦੇਖ ਰੇਖ ਵਿਚ ਐਕਸਪੋਜ਼ਰ ਵਿਜ਼ਿਟ ਲਈ ਜੈਪੁਰ (ਰਾਜਸਥਾਨ) ਵਿਖੇ ਗਏ | ਸਕੂਲ ਦਾ ਇਹ ਫੇਰਾ ਮਿਤੀ 17 ਨਵੰਬਰ ਤੋਂ 22 ਨਵੰਬਰ ਤੱਕ ਕੁੱਲ ਛੇ ਦਿਨਾਂ ਦਾ ਸੀ | ਹੈੱਡ ਮਾਸਟਰ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਇਸ ਫੇਰੇ ਵਿਚ ਵਿਦਿਆਰਥੀਆਂ ਦੀ ਚੋਣ ਮੈਰਿਟ ਦੇ ਅਧਾਰ 'ਤੇ ਕੀਤੀ ਗਈ | ਉਨ੍ਹਾਂ ਦੱਸਿਆ ਕਿ ਫੇਰੇ ਵਿਚ ਕੁੱਲ 50 ਵਿਦਿਆਰਥੀਆਂ ਨੇ ਭਾਗ ਲਿਆ | ਇਸ ਦੌਰਾਨ ਜੈਪੁਰ ਵਿਖੇ ਵਿਦਿਆਰਥੀਆਂ ਨੇ ਜੈਗੜ੍ਹ ਫੌਰਟ, ਸੀਟੀ ਪੈਲੇਸ, ਜੰਤਰ-ਮੰਤਰ, ਜਲ ਮਹਿਲ, ਹਵਾ ਮਹਿਲ, ਸ਼ੀਸ਼ ਮਹਿਲ, ਨਾਹਰਗੜ੍ਹ ਫੌਰਟ, ਬਾਪੂ ਬਾਜ਼ਾਰ, ਅਲਬਰਟ ਹਾਲ, ਬਾਇਓਟੈਕਨਾਲੌਜੀ ਪਾਰਕ, ਸਾਇੰਸ ਨੈਸ਼ਨਲ ਪਾਰਕ, ਨਾਹਰਗੜ੍ਹ ਜੂਲੋਜੀਕਲ ਪਾਰਕ, ਵਰਲਡ ਟਰੇਡ ਪਾਰਕ ਆਦਿ ਸਥਾਨਾਂ ਦੀ ਯਾਤਰਾ ਕੀਤੀ | ਵਿਦਿਆਰਥੀਆਂ ਨੂੰ ਮਨੋਰੰਜਨ ਦੇ ਨਾਲ-ਨਾਲ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ |
