ਘਨੌਲੀ, 29 ਦਸੰਬਰ (ਜਸਵੀਰ ਸਿੰਘ ਸੈਣੀ)-ਘਨੌਲੀ ਵਿਖੇ ਪੰਜਾਬੀ ਹਿੰਦੂ ਜਥੇਬੰਦੀ ਵਲੋਂ ਬੰਗਲਾਦੇਸ਼ ਵਿਚ ਪਿਛਲੇ ਕੁਝ ਦਿਨਾਂ ਤੋਂ ਘੱਟ ਗਿਣਤੀ ਨਾਲ ਵਾਪਰ ਰਹੀਆਂ ਘਟਨਾਵਾਂ ਖ਼ਿਲਾਫ਼ ਬੰਗਲਾਦੇਸ਼ ਸਰਕਾਰ ਦਾ ਪੁਤਲਾ ਫੂਕਿਆ ਗਿਆ | ਇਸ ਸੰਬੰਧ ਵਿਚ ਬੰਤ ਲਹਿਰਾ, ਪਿ੍ੰਸ ਕੋਸ਼ਿਕ ਤੇ ਹੋਰ ਆਗੂਆਂ ਨੇ ਕਿਹਾ ਕਿ ਬੰਗਲਾਦੇਸ਼ ਵਿਚ ਵਾਪਰ ਰਹੀਆਂ ਘਟਨਾਵਾਂ ਨੂੰ ਰੋਕਣ ਲਈ ਬੰਗਲਾਦੇਸ਼ ਸਰਕਾਰ ਅਸਫਲ ਰਹੀ ਹੈ | ਜਿਸ ਕਰਕੇ ਉੱਥੇ ਹਿੰਦੂਆਂ ਤੇ ਹੋਰ ਘੱਟ ਗਿਣਤੀ ਵਾਲੇ ਲੋਕਾਂ ਤੇ ਉੱਥੋਂ ਦੇ ਮੂਲ ਨਿਵਾਸੀਆਂ ਵਲੋਂ ਬੁਰਾ ਵਰਤਾਓ ਕੀਤਾ ਜਾ ਰਿਹਾ ਹੈ | ਜਿਸ ਨੂੰ ਕਿਸੇ ਵੀ ਕੀਮਤ 'ਤੇ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ | ਉਨ੍ਹਾਂ ਨੇ ਘਨੌਲੀ ਵਿਖੇ ਪੁਤਲਾ ਫੂਕਣ ਉਪਰੰਤ ਤਹਿਸੀਲਦਾਰ ਰੂਪਨਗਰ ਨੂੰ ਮੰਗ ਪੱਤਰ ਵੀ ਸੌਂਪਿਆ | ਇਸ ਮੌਕੇ ਪਿ੍ੰਸ ਕੌਸ਼ਿਕ, ਸੁਸ਼ੀਲ ਕੁਮਾਰ ਬੱਟੂ, ਬੰਤ ਲਹਿਰਾ, ਤਿਲਕਰਾਜ, ਵਿਨੋਦ ਕੁਮਾਰ, ਟੀਡੀ ਰਾਣਾ, ਡਾਕਟਰ ਇੰਦਰਜੀਤ ਸਿੰਘ, ਇੰਦਰਪੁਰਾ, ਬਾਜ ਸਿੰਘ ਅਤੇਸ਼ ਕੁਮਾਰ ਮਨਦੀਪ ਸਿੰਘ, ਰਾਮ ਕਿ੍ਸ਼ਨ, ਦਵਿੰਦਰ ਕੁਮਾਰ, ਕਮਲਜੀਤ ਸਿੰਘ, ਭਗਤ ਆਦਿ ਹਾਜ਼ਰ ਸਨ |
