ਰੂਪਨਗਰ, 22 ਨਵੰਬਰ (ਸਤਨਾਮ ਸਿੰਘ ਸੱਤੀ)-ਪਿੰਡ ਪਪਰਾਲਾ 'ਚ ਸ਼ਹੀਦ ਸੂਬੇਦਾਰ ਸੰਪੂਰਨ ਸਿੰਘ ਤੇ ਸ਼ਹੀਦ ਜਗਤਾਰ ਸਿੰਘ ਦਾਰੀ ਦੀ ਯਾਦ 'ਚ ਸੰਤ ਬਾਬਾ ਕਰਤਾਰ ਸਿੰਘ ਨੌਜਵਾਨ ਸਪੋਰਟਸ ਕਲੱਬ ਰਜਿ:, ਪੰਚਾਇਤੀ ਰਾਜ ਨੌਜਵਾਨ ਸਪੋਰਟਸ ਕਲੱਬ ਪਪਰਾਲਾ ਤੇ ਐਨ. ਆਰ. ਆਈ. ਭਰਾਵਾਂ ਦੇ ਸਹਿਯੋਗ ਨਾਲ ਚੱਲ ਰਹੇ 21ਵੇਂ ਇਕ ਪਿੰਡ ਓਪਨ ਫੱੁਟਬਾਲ ਟੂਰਨਾਮੈਂਟ ਦੂਜੇ ਦਿਨ ਹੋਏ ਮੁਕਾਬਲੇ ਕਾਫ਼ੀ ਫਸਵੇਂ ਤੇ ਰੋਮਾਂਚਕ ਰਹੇ | ਪਹਿਲੇ ਮੁਕਾਬਲੇ 'ਚ ਪਾਵਰ ਕਾਲੋਨੀ ਨੇ ਮਲਕਪੁਰ ਨੂੰ ਹਰਾ ਕੇ ਜਿੱਤ ਦਰਜ ਕੀਤੀ | ਦੂਜੇ ਮੁਕਾਬਲੇ 'ਚ ਪਪਰਾਲਾ ਏ ਨੇ ਨੂਹੋਂ ਪਿੰਡ ਦੀ ਟੀਮ ਨੂੰ ਮਾਤ ਦਿੱਤੀ | ਤੀਜੇ ਰੋਚਕ ਮੁਕਾਬਲੇ 'ਚ ਨੂੰ ਹੋ ਕਾਲੋਨੀ ਨੇ ਬਹਾਦਰਪੁਰ ਨੂੰ ਹਰਾਇਆ, ਜਦਕਿ ਚੌਥੇ ਮੁਕਾਬਲੇ 'ਚ ਲੋਦੀ ਮਾਜਰਾ ਨੇ ਢੱਕੀ ਪਿੰਡ ਦੀ ਟੀਮ ਨੂੰ ਹਰਾ ਕੇ ਜਿੱਤ ਦਰਜ਼ ਕੀਤੀ | ਕੁਆਰਟਰ ਫਾਈਨਲ ਮੁਕਾਬਲਿਆਂ 'ਚ ਘਨੌਲੀ ਤੇ ਰੋਪੜ ਦੀਆਂ ਟੀਮਾਂ ਨੇ ਪਹਿਲੇ ਰਾਊਾਡ ਵਿਚ ਜਿੱਤ ਪ੍ਰਾਪਤ ਕੀਤੀ | ਦੂਜੇ ਮੁਕਾਬਲੇ 'ਚ ਪਾਵਰ ਕਲੋਨੀ ਅਤੇ ਨੰਗਲ ਜੇਤੂ ਰਹੇ, ਜਦਕਿ ਤੀਜੇ ਮੁਕਾਬਲੇ 'ਚ ਪਪਰਾਲਾ ਏ ਅਤੇ ਮੱਦੋ ਮਾਜਰਾ ਦੀਆਂ ਟੀਮਾਂ ਜੇਤੂ ਰਹੀਆਂ | ਸੈਮੀਫਾਈਨਲ ਲਈ ਰੋਪੜ, ਪਾਵਰ ਕਾਲੋਨੀ, ਪਪਰਾਲਾ ਏ ਤੇ ਨੂੰ ਹੋ ਕਲੋਨੀ ਦੀਆਂ ਟੀਮਾਂ ਕੁਆਲੀਫਾਈ ਕਰ ਗਈਆਂ ਹਨ | ਫਾਈਨਲ ਮੁਕਾਬਲਾ 23 ਨਵੰਬਰ ਨੂੰ ਕਰਵਾਇਆ ਜਾਵੇਗਾ |
