ਅਬੋਹਰ, 23 ਸਤੰਬਰ (ਵਿਵੇਕ ਹੂੜੀਆ)-ਸ਼੍ਰੀ ਗੁਰੂ ਨਾਨਕ ਏ.ਵੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਅਬੋਹਰ ਨੇ ਰਾਜ ਪੱਧਰੀ ਐਥਲੈਟਿਕਸ ਮੁਕਾਬਲੇ 'ਚ ਉਤਸ਼ਾਹ ਨਾਲ ਹਿੱਸਾ ਲਿਆ | 19, 17 ਅਤੇ 14 ਵਰਗਾਂ ਦੇ ਮੁੰਡਿਆਂ ਨੇ ਮੁਕਾਬਲੇ ਵਿਚ ਦਬਦਬਾ ਬਣਾਇਆ | ਵਿਦਿਆਰਥੀ ਮੋਹਿਤ ਨੇ 200 ਮੀਟਰ ਦੌੜ ਜਿੱਤੀ, ਮੋਹਿਤ ਨੇ ਜੈਵਲਿਨ ਥਰੋਅ ਜਿੱਤੀ, ਮਹਿਤਾਬ ਅਤੇ ਮੀਨਾਕਸ਼ੀ ਨੇ 1500 ਅਤੇ 3000 ਮੀਟਰ ਦੌੜ ਜਿੱਤੀ, ਦੀਪਾਂਸ਼ ਸਲਹੋਤਰਾ ਨੇ ਹੈਮਰ ਥਰੋਅ ਜਿੱਤੀ ਅਤੇ ਸਮੀਰ ਨੇ 600 ਮੀਟਰ ਦੌੜ ਜਿੱਤੀ | ਸਮੀਰ ਨੇ ਉੱਚੀ ਛਾਲ, ਰੋਹਨ ਨੇ 110 ਮੀਟਰ ਰੁਕਾਵਟ ਦੌੜ, ਹਰਮਨ ਨੇ 600 ਮੀਟਰ ਦੌੜ, ਅਜੈ ਨੇ 110 ਮੀਟਰ ਰੁਕਾਵਟ ਦੌੜ ਅਤੇ ਰਾਜਕੁਮਾਰ ਨੇ ਲੰਬੀ ਛਾਲ ਜਿੱਤੀ | ਮਹਿਤਾਬ, ਰਾਜਕੁਮਾਰ, ਮੋਹਿਤ ਅਤੇ ਅਰਸ਼ਦੀਪ ਨੇ 100 ਮੀਟਰ ਰਿਲੇਅ ਜਿੱਤੀ | ਇਸੇ ਤਰ੍ਹਾਂ ਰੋਮਨ, ਸਮੀਰ, ਹਰਮਨ ਅਤੇ ਬੀਰ ਨੇ ਰਿਲੇਅ ਦੌੜ ਜਿੱਤੀ | ਮੋਹਿਤ, ਰਾਜੇਸ਼, ਮੋਹਿਤ ਕੰਬੋਜ ਅਤੇ ਅਜੈ ਰਿਲੇਅ ਦੌੜ ਵਿਚ ਦੂਜੇ ਸਥਾਨ 'ਤੇ ਰਹੇ | ਰਾਜਕੁਮਾਰ 100 ਮੀਟਰ ਦੌੜ, ਦੀਪਾਂਸ਼ ਸ਼ਾਟ ਪੁੱਟ, ਦੇਵ 110 ਹਰਡਲ, ਅਰਸ਼ਦੀਪ ਹਾਈ ਜੰਪ, ਰੋਮਨ 200 ਅਤੇ 100 ਮੀਟਰ, ਸਮੀਰ 600 ਮੀਟਰ, ਅਜੈ 100 ਮੀਟਰ, ਜਤਿਨ 80 ਮੀਟਰ ਹਰਡਲ, ਰਾਜੇਸ਼ 800 ਮੀਟਰ, ਪਵਨ ਨੇ ਹੈਮਰ ਥਰੋਅ ਅਤੇ 110 ਮੀਟਰ ਹਰਡਲ ਦੌੜ ਵਿਚ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਸਕੂਲ ਨੂੰ ਕੁੱਲ 35 ਤਗਮੇ ਮਿਲੇ | ਲੜਕੀਆਂ ਦੇ ਸ਼ਾਟ ਪੁੱਟ ਮੁਕਾਬਲੇ ਵਿਚ ਕੋਮਲ ਨੇ ਦੂਜਾ ਸਥਾਨ ਅਤੇ ਅੰਜਲੀ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਇਸ ਸ਼ਾਨਦਾਰ ਸਫਲਤਾ ਲਈ ਸਕੂਲ ਦੇ ਪਿ੍ੰਸੀਪਲ ਵਰਿੰਦਰ ਗਰੋਵਰ, ਮੈਨੇਜਰ ਓਮ ਪ੍ਰਕਾਸ਼ ਲੂਥਰਾ, ਸਕੱਤਰ ਵਿਪਿਨ ਸੇਤੀਆ ਅਤੇ ਸਾਰੇ ਕਮੇਟੀ ਮੈਂਬਰਾਂ ਨੇ ਪਿ੍ੰਸੀਪਲ ਅਮਨਦੀਪ ਸ਼ਰਮਾ, ਵਾਈਸ ਪਿ੍ੰਸੀਪਲ ਸਰਦਾਰ ਮਨਜੀਤ ਸਿੰਘ, ਸਾਰੇ ਅਧਿਆਪਕਾਂ, ਜੇਤੂ ਬੱਚਿਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਦਿਲੋਂ ਵਧਾਈ ਦਿੱਤੀ ਅਤੇ ਉਨ੍ਹਾਂ ਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕੀਤੀ | ਮੈਡਮ ਸ਼ਰਮਾ ਨੇ ਇਸ ਸਫਲਤਾ ਦਾ ਸਿਹਰਾ ਸਕੂਲ ਦੇ ਡੀ.ਪੀ.ਈ ਮਨਜੀਤ ਸਿੰਘ ਦੀ ਸਖ਼ਤ ਮਿਹਨਤ, ਲਗਨ ਅਤੇ ਯੋਗ ਅਗਵਾਈ, ਬੱਚਿਆਂ ਦੀ ਇਕਾਗਰਤਾ, ਉਨ੍ਹਾਂ ਦੀ ਖੇਡ ਭਾਵਨਾ ਅਤੇ ਅਭਿਆਸ ਨੂੰ ਦਿੱਤਾ | ਉਨ੍ਹਾਂ ਨੇ ਸਮੇਂ-ਸਮੇਂ 'ਤੇ ਹੋਣ ਵਾਲੀਆਂ ਖੇਡਾਂ ਵਿਚ ਉਨ੍ਹਾਂ ਦਾ ਸਮਰਥਨ ਕਰਨ ਵਾਲੇ ਮਾਪਿਆਂ ਦਾ ਧੰਨਵਾਦ ਕੀਤਾ ਅਤੇ ਇਸ ਤਰ੍ਹਾਂ ਬੱਚਿਆਂ ਦੇ ਨਾਲ ਹੱਥ ਮਿਲਾ ਕੇ ਚੱਲ ਕੇ ਸਕੂਲ ਦਾ ਮਾਣ ਵਧਾਇਆ |
