ਬਹਿਰਾਮਪੁਰ, 2 ਸਤੰਬਰ (ਪ੍ਰੋ: ਬਲਬੀਰ ਸਿੰਘ ਕੋਲਾ)-ਮਰਾੜਾ ਤੋਂ ਮਕੌੜਾ ਤੇ ਦਰਿਆ ਰਾਵੀ ਦੇ ਪਤਨ ਮਕੌੜਾ ਨੰੂ ਜਾਣ ਵਾਲੀ ਸੜਕ ਦੇ ਨਾਲ ਵਾਲਾ ਧੁੱਸੀ ਬੰਨ੍ਹ ਜੋ ਪਾਣੀ ਦੀ ਮਾਰ ਨਾਲ ਰੁੜ੍ਹ ਗਿਆ ਸੀ, ਉਸ ਨੰੂ ਮੁੜ ਤੋਂ ਬੰਨ੍ਹਣ ਦਾ ਕੰਮ ਆਰੰਭ ਕਰ ਦਿੱਤਾ ਗਿਆ ਹੈ | ਰਾਵੀ ਦਰਿਆ ਦਾ ਪਾਣੀ ਚੜ੍ਹਨ ਕਰਕੇ ਧੁੱਸੀ ਮਰਾੜਾ ਤੋਂ ਮਕੌੜਾ ਜਾਣ ਵਾਲੀ ਸੜਕ 'ਤੇ ਜੰਡਾ ਵਾਲੇ ਪੀਰ ਦੀ ਜਗਾ ਨੇੜੇ ਧੁੱਸੀ ਬੰਨ੍ਹ 'ਤੇ ਵੱਡਾ ਖੋਰਾ ਲੱਗਣ ਕਰਕੇ ਪਿੰਡ ਨਵੀਂ ਆਬਾਦੀ ਚੰਡੀਗੜ੍ਹ ਨੰੂ ਵੱਡੀ ਮਾਰ ਪਈ ਸੀ ਤੇ ਇਹੋ ਪਾਣੀ ਅੱਗੇ ਜੋਗਰ ਤੇ ਨੀਵੇਂ ਧਕਾਲੇ ਪਿੰਡ ਨੰੂ ਜਾ ਲੱਗਾ ਸੀ | ਧੁੱਸੀ ਬੰਨ੍ਹ ਨੰੂ ਬੰਨ੍ਹਣ ਦਾ ਕੰਮ ਕੱਲ੍ਹ ਸ਼ੁਰੂ ਹੋਇਆ ਸੀ | ਪਰ ਰਾਤ ਨੰੂ ਸ਼ੁਰੂ ਹੋਈ ਬਾਰਸ਼ ਤੇ ਦਿਨ ਸਮੇਂ ਵੀ ਮੀਂਹ ਪੈਣ ਨਾਲ ਬੰਨ੍ਹ 'ਤੇ ਮਿੱਟੀ ਪਾ ਕੇ ਲੱਗੇ ਖੋਰੇ ਨੰੂ ਭਰਨ ਦਾ ਕੰਮ ਨਹੀਂ ਚੱਲਿਆ | ਮੀਂਹ ਦਾ ਪਾਣੀ ਉੱਤਰਨ 'ਤੇ ਟੁੱਟੀਆਂ ਸੜਕਾਂ ਸਾਹਮਣੇ ਆ ਰਹੀਆਂ ਹਨ | ਝਬਕਰਾ ਤੋਂ ਮਕੌੜਾ ਨੰੂ ਜਾਣ ਵਾਲੀ ਸੜਕ ਪਾਣੀ ਦੇ ਵਹਾਅ ਨਾਲ ਰੁੜ੍ਹਨ ਕਾਰਨ ਮਕੌੜਾ ਨੰੂ ਜਾਣ ਵਾਲਾ ਰਸਤਾ ਵੀ ਬੰਦ ਹੋ ਗਿਆ ਸੀ |
