ਮਾਹਿਲਪੁਰ, 8 ਦਸੰਬਰ (ਰਜਿੰਦਰ ਸਿੰਘ)-ਸੂਬੇ ਦੀ ਸਰਕਾਰ ਵੱਲੋਂ 14 ਦਸੰਬਰ ਨੂੰ ਕਰਵਾਈਆਂ ਜਾ ਰਹੀਆਂ ਜ਼ਿਲ੍ਹਾ ਪ੍ਰੀਸ਼ਦ ਤੇ ਪੰਚਾਇਤ ਬਲਾਕ ਸੰਮਤੀ ਦੀਆਂ ਚੋਣਾਂ 'ਚ ਸੰਸਦ ਮੈਂਬਰ ਡਾ. ਰਾਜ ਕੁਮਾਰ ਵੱਲੋਂ ਜ਼ੋਨ ਬਾੜੀਆਂ ਕਲਾਂ ਤੋਂ ਜ਼ਿਲ੍ਹਾ ਪ੍ਰੀਸ਼ਦ ਚੋਣ ਲਈ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਚਰਨਜੀਤ ਸਿੰਘ ਬੰਟੀ ਸਾਬਕਾ ਸਰਪੰਚ ਮੈਲੀ ਦੇ ਹੱਕ 'ਚ ਪਿੰਡ ਬਾੜੀਆਂ ਕਲਾਂ ਸਮੇਤ ਵੱਖ ਵੱਖ ਪਿੰਡਾਂ 'ਚ ਡੋਰ-ਟੂ-ਡੋਰ ਮੁਹਿੰਮ ਸ਼ੁਰੂ ਕੀਤੀ ਗਈ | ਇਸ ਮੁਹਿੰਮ ਦੌਰਾਨ ਡਾ.ਜਤਿੰਦਰ ਕੁਮਾਰ, ਵਿਜੇ ਸਰਪੰਚ ਬਾੜੀਆਂ, ਅਮਨਦੀਪ ਸਿੰਘ ਕੰਮੋਵਾਲ ਸਾਬਕਾ ਪ੍ਰਧਾਨ ਸਰਪੰਚ ਯੂਨੀਅਨ, ਸੰਮਤੀ ਉਮੀਦਵਾਰ ਦਵਿੰਦਰ ਕੁਮਾਰ, ਗਗਨ ਚਾਨਥੂ, ਰੌਕੀ ਮੈਲੀ, ਭੋਲਾ ਜੈਤਪੁਰ, ਸਾਬਕਾ ਸਰਪੰਚ ਪਰਮਜੀਤ ਭੂੰਨੋ, ਮੰਡ ਸਰਪੰਚ, ਸੁੱਖਾ ਸਰਪੰਚ ਬੰਬੇਲੀ, ਸਤਨਾਮ ਮੁੱਖੋਮਜਾਰਾ, ਗੁਰਦੀਪ ਸਿੰਘ ਹੱਲੂਵਾਲ ਸਮੇਤ ਹੋਰ ਆਪ ਪਾਸ ਦੀ ਪੰਚਾਇਤਾਂ ਵੱਲੋਂ ਸੰਪੂਰਨ ਸਮਰਥਨ ਦੇਣ ਦੀ ਘੋਸ਼ਣਾ ਕੀਤੀ ਹੈ | ਇਸ ਮੌਕੇ ਡਾ. ਰਾਜਕੁਮਾਰ ਨੇ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਮਾਨ ਸਰਕਾਰ ਵੱਲੋਂ ਵੱਡੇ ਪੱਧਰ 'ਤੇ ਲੋਕ ਪੱਖੀ ਕੀਤੇ ਵਿਕਾਸ ਕੰਮਾਂ ਨੂੰ ਦੇਖਦੇ ਹੋਏ ਲੋਕ ਆਪ ਭਾਰੀ ਗਿਣਤੀ 'ਚ ਸੀਟਾਂ ਲੈ ਕੇ ਜਿੱਤ ਪ੍ਰਾਪਤ ਕਰੇਗੀ |