ਟਿੱਪਰ ਦੀ ਲਪੇਟ ’ਚ ਆਉਣ ਨਾਲ ਮੋਟਰ ਸਾਇਕਲ ਚਾਲਕ ਦੀ ਮੌਤ

ਮਾਹਿਲਪੁਰ (ਹੁਸ਼ਿਆਰਪੁਰ), 17 ਸਤੰਬਰ (ਰਜਿੰਦਰ ਸਿੰਘ) - ਅੱਜ ਸ਼ਾਮ ਕਰੀਬ 6.30 ਵਜੇ  ਮਾਹਿਲਪੁਰ-ਜੇਜੋਂ ਰੋਡ ’ਤੇ ਪਿੰਡ ਚੱਕ ਨਰਿਆਲ ਕੋਲ ਇਕ ਟਿੱਪਰ ਵਲੋਂ ਮੋਟਰ ਸਾਇਕਲ ਨੂੰ ਟੱਕਰ ਮਾਰਨ ’ਤੇ ਮੋਟਰ 18 ਸਾਲਾ ਸਾਇਕਲ ਚਾਲਕ ਦੀ ਮੌਕੇ ’ਤੇ ਮੌਤ ਹੋ ਗਈ ਜਦ ਕਿ ਟਿੱਪਰ ਚਾਲਕ ਮੌਕੇ ’ਤੇ ਫਰਾਰ ਹੋ ਗਿਆ। 
 ਜਾਣਕਾਰੀ ਅਨੁਸਾਰ ਪਿੰਡ ਲਸਾੜਾ ਦਾ ਵਸਨੀਕ 18 ਸਾਲਾ ਨੌਜਵਾਨ ਵੰਸ਼ ਪੁੱਤਰ ਲੇਟ ਦੀਪਕ ਕੁਮਾਰ ਜੋ ਕਿ ਹੁਸ਼ਿਆਰਪੁਰ ਵਿਖੇ ਆਪਣੀ ਮਾਤਾ ਨਾਲ ਰਹਿੰਦਾ ਸੀ ਅਤੇ ਪਿੰਡ ਲਸਾੜਾ ਤੋਂ ਆਪਣੇ ਮੋਟਰ ਸਾਇਕਲ ’ਤੇ ਹੁਸ਼ਿਆਰਪੁਰ ਵਿਖੇ ਜਾ ਰਿਹਾ ਸੀ ਪਰ ਜਦੋਂ ਉਕਤ ਸਥਾਨ ’ਤੇ ਪਹੁੰਚਿਆਂ ਤਾਂ ਮਾਹਿਲਪੁਰ ਵੱਲ ਤੋਂ ਆ ਰਹੇ ਟਿੱਪਰ ਨਾਲ ਅਚਾਨਕ ਟੱਕਰ ਵੱਜ ਗਈ । ਸਿਰ ’ਚ ਸੱਟ ਵੱਜਣ ਨਾਲ ਮੌਕੇ ’ਤੇ ਮੌਤ ਹੋ ਗਈ। ਮੌਕੇ ਥਾਣਾ ਮੁਖੀ ਮਾਹਿਲਪੁਰ ਰਮਨਦੀਪ ਕੌਰ ਤੇ ਥਾਣੇਦਾਰ ਦਲਜੀਤ ਕੁਮਾਰ ਨੇ ਪਹੁੰਚ ਲਾਸ਼ ਅਤੇ ਟਿੱਪਰ ਨੂੰ ਕਬਜ਼ੇ ’ਚ ਲੈ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।