ਸਿੰਗਾਪੁਰ ਘੁਟਾਲੇ ਦੇ ਮਾਮਲੇ ਵਿਚ 2013 ਤੋਂ ਭਗੌੜਾ ਦੋਸ਼ੀ ਹਰਨੇਕ ਸਿੰਘ ਸੀਬੀਆਈ ਵਲੋਂ ਗ੍ਰਿਫ਼ਤਾਰ

ਨਵੀਂ ਦਿੱਲੀ, 10 ਸਤੰਬਰ - ਕੇਂਦਰੀ ਜਾਂਚ ਬਿਊਰੋ (ਸੀਬੀਆਈ) ਸਿੰਗਾਪੁਰ ਘੁਟਾਲੇ ਦੇ ਮਾਮਲੇ ਵਿਚ 2013 ਤੋਂ ਜਾਂਚ ਅਤੇ ਮੁਕੱਦਮੇ ਤੋਂ ਬਚਦੇ ਆ ਰਹੇ ਲੰਬੇ ਸਮੇਂ ਤੋਂ ਭਗੌੜੇ ਦੋਸ਼ੀ ਹਰਨੇਕ ਸਿੰਘ ਨੂੰ ਭਾਰਤ ਵਾਪਸ ਲੈ ਆਇਆ ਹੈ। ਧੋਖਾਧੜੀ, ਜਾਅਲਸਾਜ਼ੀ ਅਤੇ ਨਕਲੀਕਰਨ ਦੇ ਮਾਮਲੇ ਵਿਚ 2013 ਤੋਂ ਜਾਂਚ ਅਤੇ ਮੁਕੱਦਮੇ ਤੋਂ ਬਚ ਰਿਹਾ ਸੀ।
ਮੁਲਜ਼ਮ ਹਰਨੇਕ ਸਿੰਘ, ਜਿਸ ਵਿਰੁੱਧ ਇੰਟਰਪੋਲ ਰੈੱਡ ਨੋਟਿਸ ਅਤੇ ਲੁੱਕ-ਆਊਟ ਸਰਕੂਲਰ (ਐਲਓਸੀ) ਲਾਗੂ ਸੀ, ਨੂੰ ਅਮਰੀਕਾ ਤੋਂ ਡਿਪੋਰਟ ਕਰ ਦਿੱਤਾ ਗਿਆ ਸੀ ਅਤੇ 9 ਸਤੰਬਰ ਨੂੰ ਨਵੀਂ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਪਹੁੰਚਣ 'ਤੇ ਸੀਬੀਆਈ ਅਧਿਕਾਰੀਆਂ ਨੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ।