ਕਿਸ਼ਤਵਾੜ : ਹੜ੍ਹ ਪ੍ਰਭਾਵਿਤ ਚਸੋਤੀ ਪਿੰਡ ਵਿਚ ਬਚਾਅ ਕਾਰਜ ਜਾਰੀ, ਸਵੇਰ ਤੋਂ 6 ਲਾਸ਼ਾਂ ਬਰਾਮਦ

ਕਿਸ਼ਤਵਾੜ (ਜੰਮੂ-ਕਸ਼ਮੀਰ), 16 ਅਗਸਤ - ਕਿਸ਼ਤਵਾੜ ਜ਼ਿਲ੍ਹੇ ਦੇ ਹੜ੍ਹ ਪ੍ਰਭਾਵਿਤ ਚਸੋਤੀ ਪਿੰਡ ਵਿਚ ਭਾਰਤੀ ਫ਼ੌਜ, ਐਨਡੀਆਰਐਫ, ਐਸਡੀਆਰਐਫ, ਪੁਲਿਸ ਅਤੇ ਸਥਾਨਕ ਪ੍ਰਸ਼ਾਸਨ ਖੋਜ ਅਤੇ ਬਚਾਅ ਕਾਰਜ ਵਿਚ ਲੱਗੇ ਹੋਏ ਹਨ। ਬਾਰਡਰ ਰੋਡਜ਼ ਆਰਗੇਨਾਈਜ਼ੇਸ਼ਨ (ਬੀਆਰਓ) ਦੇ ਸਹਾਇਕ ਇੰਜੀਨੀਅਰ, ਐਸਐਸ ਮੋਧਕ ਕਹਿੰਦੇ ਹਨ, "...ਅਸੀਂ ਸੜਕਾਂ ਸਾਫ਼ ਕਰ ਰਹੇ ਹਾਂ। ਵਿਸ਼ੇਸ਼ ਮਸ਼ੀਨਾਂ ਦੀ ਵਰਤੋਂ ਕਰਕੇ ਪੱਥਰ ਹਟਾਏ ਜਾ ਰਹੇ ਹਨ... ਇਹ ਇਕ ਬਹੁਤ ਹੀ ਚੁਣੌਤੀਪੂਰਨ ਕਾਰਜ ਹੈ..." ਜੰਮੂ-ਕਸ਼ਮੀਰ ਦੇ ਵਿਰੋਧੀ ਧਿਰ ਦੇ ਆਗੂ ਅਤੇ ਸਥਾਨਕ ਵਿਧਾਇਕ ਸੁਨੀਲ ਕੁਮਾਰ ਸ਼ਰਮਾ ਕਹਿੰਦੇ ਹਨ, "ਪਹਿਲੇ ਦਿਨ ਸਿਰਫ਼ ਜ਼ਖਮੀਆਂ ਨੂੰ ਹੀ ਬਾਹਰ ਕੱਢਿਆ ਗਿਆ ਅਤੇ ਹਸਪਤਾਲ ਭੇਜਿਆ ਗਿਆ। ਦੂਜੇ ਦਿਨ ਚੁਣੌਤੀ ਫਸੇ ਯਾਤਰੀਆਂ ਨੂੰ ਬਚਾਉਣ ਅਤੇ ਮਲਬਾ ਸਾਫ਼ ਕਰਨ ਦੀ ਸੀ। ਕਾਫ਼ੀ ਹੱਦ ਤੱਕ ਅਸੀਂ ਇਸ ਵਿਚ ਸਫ਼ਲ ਹੋਏ। ਅੱਜ ਮੌਸਮ ਅਤੇ ਟਰੈਕ ਵੀ ਸਾਫ਼ ਸੀ। ਪੂਰਾ ਆਪ੍ਰੇਸ਼ਨ ਫ਼ੌਜ ਦੀ ਕਮਾਨ ਹੇਠ ਸੀ, ਅਤੇ ਐਨਡੀਆਰਐਫ, ਐਸਡੀਆਰਐਫ, ਸੀਆਈਐਸਐਫ ਅਤੇ ਬੀਆਰਓ ਦੀਆਂ ਸਾਰੀਆਂ ਕੰਪਨੀਆਂ ਨੇ ਉਨ੍ਹਾਂ ਦੀ ਮਦਦ ਕੀਤੀ। ਸਵੇਰ ਤੋਂ ਹੀ ਛੇ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ... ਅੱਜ ਦਾ ਰਾਹਤ ਅਤੇ ਬਚਾਅ ਕਾਰਜ ਬਹੁਤ ਵਧੀਆ ਰਿਹਾ... ਅਗਲੇ ਦੋ ਦਿਨਾਂ ਵਿਚ, ਇਥੇ ਇਕ ਬੇਲੀ ਬ੍ਰਿਜ ਬਣਾਇਆ ਜਾਵੇਗਾ।"